|
- UID
- 19471
- 帖子
- 1264
- 精華
- 0
- 閱讀權限
- 10
- 在線時間
- 372 小時
- 註冊時間
- 22-11-2012
- 最後登錄
- 23-7-2015
|
5947#
發表於 30-4-2013 14:08
| 只看該作者
2013-04-30 A04| 要聞
Apple Daily：80後多產媽媽萬中無一 追到個仔「封肚」 竟意外有第六孩
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一名「恨生仔」的八十後媽媽，連生四胎都是女，最後用盡生仔秘方「炮製」第五胎，終讓她如願以償生下「慈菇椗」。生到怕的她決定「封肚」，於是在開刀生產兒子時順便進行結紮手術，以為一勞永逸，豈料於坐月後不久再次驗出有孕，無奈下惟有生夠半打，家有六孩在現今香港更是萬中無一的個案。
梁小姐今年31歲，17歲開始懷第一胎，大女兒現已13歲，二女11歲，三女8歲，四女5歲，細仔只得七個月大，而肚裏的六千金已有五個多月。根據統計處2011年的人口普查，全港121萬核心家庭中，像梁小姐一樣有6個或以上子女的只有101個，比率是十萬分之八，故梁的個案可說是萬中無一。
決絕結紮唔再生
「好難接受，我咁決絕做結紮手術，就係唔想再生！」即使如此，梁小姐堅持不會人工流產：「我係教徒，唔會做呢啲嘢。」她說夫婦過往用避孕套來避孕，從未試過意外懷孕：「諗住結紮安全啲，點知仲危險！」
她的四名女兒都是自然分娩，因想做結紮手術，故第五胎選擇開刀。去年9月23日，婦產科醫生靳嘉仁在荃灣港安醫院替梁剖腹產子，順便進行結紮手術，單是結紮費要3,800元：「開刀攞咗我個仔出嚟後，佢問我係咪決定唔再生，我話係，佢就喺我兩邊輸卵管夾兩隻夾。」
兒子出世後兩個多月，她又再有作嘔作悶的感覺：「睇西醫，醫生話我傷風感冒；睇中醫，中醫都話我傷風未好。」直至兒子擺百日宴，她又再嘔吐發作，翌日再找婦科醫生檢查：「點知真係驗到我有咗一個月，再問靳醫生，佢話任何結紮手術，冇一個100%安全！」
極速意外懷孕，她說壓力爆煲，情緒困擾得天天在哭：「現今社會養五個已經唔易，屋企太多細路要湊，自己又有工作，心理生理都未得，我又有地中海貧血。」
梁小姐在元朗經營時裝店，大她五年的丈夫開車房，兩夫婦算是中產，但要撫養五個小孩依然吃力。「單係四個女嘅學費、興趣班同補習費，每個月最少二萬蚊；屋租、水電煤同食，都要四萬蚊；細仔奶粉尿片，請女傭，兩公婆使費……我都唔敢計！」記者粗略計算，發現她一家每月平均開支達10萬元，還未計即將出生的六千金。梁小姐說因為「老六」，她不得不放棄部份事業：「本來有兩間舖，因為唔可以飛去外國入貨，已經執咗一間……」
開刀疤痕大且痛
採訪當日，梁小姐的四名千金剛放學回來，加上在地上爬來爬去的幼子，家像變了兒童遊樂場。她說照顧小孩少點魄力也不行，故每天要吃補血丸、鈣片和多種維他命等補充體能。
她向記者展示剖腹生產留下的疤痕，疤痕長滿肉芽有如一條大蜈蚣，「之前好幼細，隨住個肚大咗，越嚟越大，越嚟越深色，咁掂一掂都痛，着褲都痛。」她說丈夫最擔心子宮傷口會爆開。
靳嘉仁表示，手術前已向梁小姐解釋風險：「香港結紮手術嘅失敗率大約千分之五，佢唔好彩中咗！喺過去20年，我幫超過1,000名病人做結紮手術，佢係唯一一個結咗紮都意外懷孕。」靳表示，梁小姐在滿月後子宮傷口癒合理想，加上沒有宮外孕，故只要定期覆診，母子的安全不成問題。至於剖腹的疤痕生滿肉芽，靳解釋懷孕會令疤痕變得又粗又腫：「子宮爆嘅機會大約係千分之七，只要跟番38周開刀，問題唔大。」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
2013-04-30 A04| 要聞
Apple Daily：輸卵管腫脹 分娩後即紮易失敗
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
婦產科醫生余啟文表示，大部份擬絕育婦女會選擇剖腹生產後即時進行手術，以省回麻醉及手術室等費用，但此時輸卵管較腫脹，整體失敗率會提升至千分之五；如婦女生產後六個月才絕育，失敗率會降至千分之三。
切斷輸卵管易荷爾蒙失調
絕育可選擇輸卵管夾或切斷輸卵管，前者好處是絕育者一旦想再生育，可除掉夾子把輸卵管駁回，此法使卵巢保持一定供血量，可減低對荷爾蒙分泌的影響，但後者或會令荷爾蒙失調。
根據家計會於2007年的調查顯示，受訪1,078名女性中，有8.9%曾進行結紮絕育手術，而其後首年的意外懷孕率為0.5%，主因是結紮部位再復通。
開刀生產再懷孕憂爆子宮
梁小姐三十出頭已有五名子女，家計會07年訪問過1,510對夫婦，只有0.6%有5個或以上孩子；前年統計處的人口普查，本港六孩家庭比率更只有0.008%，這方面她先中「一元」。採用輸卵管夾絕育但再度懷孕的機會率低於千分之五，她又中「一元」。梁小姐最擔心是「再中一元」：「醫生話每一千個開過刀後懷孕嘅婦女，有千分七嘅機會爆子宮，你知我幾『好彩』㗎啦！」 |
2012年直版RK1
你毒我唔到......你毒我唔到......
|
|
發表於 30-4-2013 13:27
| 
