RK上斜無力，尋求解決方法及原因《已解決及找出原因》

mrmo

我架係2010 RK5.
刨過好多文，問題主因係起步同上斜無力，尤其停車場，喺megabox上斜用S落一波都好難扯高個轉數，踩盡油門都係慢慢上真係唔知可以點，平時公路就無乜問題，但都要大腳d等架車kick down扯到2500-3500嗰陣都加速到上去，但好似停車場呢d大斜就好有問題，好難上到2500rpm.

同其他人一樣，已經試晒換所有野，亦都走去問過專整RK起步問題既車房，佢話係副行車電腦渣得耐就會傻傻地，佢之前整左好多2010，話依家到整2011，真係好似輪住病咁，同埋，我地全部車都係篤電腦無error code. 波箱油等消耗品已全換，嗰間車房最後無直接講佢會做乜野，而且架車一定要留一晚夜，所以我都未決定去做，俾錢整就預左，但想知佢整乜野落去，都明白佢想保護一d商業上既野而有咁既做法，

所以，想喺度收集下意見，有冇朋友既rk都出現過呢個問題而又解決到？感謝!!

mrmo

用shell，似乎同電油無關...行公路加速上斜係無問題，係低轉扭力過低，唔足夠推架車上去，有人試過整係行車電腦數據問題，你地都係前期RK? 有冇咁既問題呢？

mrmo

經過多番明查暗訪，終於解決到問題，呢件事真係困擾左我好耐，依家分享解決方法，唔係為左打爛人地飯碗，希望幫到其他人，因為呢個真係一個奇症。

最後我車房搵到位行家，話呢個係好多honda車既通病，最後要靠廠腦去修正點火時間，蝴蝶Yim角度，油門反應等等，我知識有限，係得咁多keywords.
開始時架車同之前無乜分別，好似仲o係學習階段咁，我半信半疑，但起步明顯無之前拖牛上樹既感覺，以數值去講，之前用2500至3000轉去起步，好似拖住d野咁，依家2000轉順去就可以正常加速，到我第一轉返自己停車場，已經無左吃力既感覺，但亦都沒有爆上去斜路既感覺同能力。

之後自己再走出去，因為車房提過每次開車最好o係安全情況下，踩超過3000轉去俾副腦適應，然後我走左80km，越走越順，燈位起步輕踩就可以彈出去，走完再返自己停車場，比起之前，係有力好多，斜路停定，再起步好快架車就hold住o係2000轉，雖然唔係爆住，但係有力咁推架車上去，明顯改善左好多，變番一架正常o既8人車。

我會再試多兩日，確定一切無誤，呢個原因同所有消耗品無關，篤電腦都無error code，實在係好難好難先搵到原因，留條線o係度，希望幫到其他朋友，因為我知呢個問題有幾煩....

mrmo

之前有問題時，架車行順左上斜係無問題，轉數係可以谷到上去，最有問題時係停定起步嗰下，一波都谷唔到上2000轉扭力位..

已pm. 其實今日我再走一轉，後座老細覺得滑左順左，慢車上停車場無拖牛感覺。但架車唔係變左跑車，一般路段佢係一部正常既七人車，之前踩盡都俾貨車佬爭贏燈位，依家順踩就可以出到咁樣，油耗顯示都正常左。

mrmo

好多朋友都PM我，但現時我未俾車房聯絡，因為我未真正試清楚係咪整好，現時為止，車房最主要同我修改左點火時間角度等等brabrabrabra，行車時其實係暢順既，但發覺左小小問題：
1) 起步時反應正常，第一啖油會彈出去，但之後會輕微呆滯，要等轉數上番近2000轉先再扯部車上去
2) 起步行車都係有改善，但上斜扭力都係一般，尤其一d大斜，架車只係慢慢上，到無咁斜時先有加速力度，而且每次谷完上斜之後，油門反應會呆滯，但又未至於未整之前咁樣，但行番公路衝佢一轉，又會順番，因為呢個原因我唔敢俾大家住，費時拆老友招牌。

因為上斜扭力仍然缺乏，今日我再試加裝外掛電腦，平o個隻，其實外掛電腦主要係改點火時間、空氣燃油混合比，利用呢兩樣野去增加馬力同扭力(P.S. 同電子油門，點火增強器完全無關)，一裝之後就發覺PK喇，油門好似之前咁樣，無左一踩就彈出去既感覺，但就變得線性左，唔好好似1)咁出現扭力空缺，因為我之前用過朋友既外掛電腦，情況相若，所以我試下行多十幾公里，慢慢架車開始適應，起步靈敏度低左小小，但線性左好多，突然加速o個腳會去得有力，最重要最重要，返到自己停車場，咁啱有個P牌仔頂住上斜，我慢慢上都覺得架車好有力，hold住等個P仔去遠小小，我斜路中完全係有力上到，扭力唔同左好多，呢個係最大分別，但係我只試左一日，情況2)提過，谷完上斜路架車會立立地，行完公路又會順番，唔知呢樣野o係外掛電腦上會唔會有影響，所以我都係要再試多幾日。

總結，以我既知識同推斷，入車房攪電腦所改既野同外掛電腦原理相若，如果大家夠膽一試，試下換V字頭o個隻外掛電腦，因為佢比較平，同入車房修正點火時間空燃比原理一樣，我入車房之前都懷疑會唔會加個外掛就可以解決問題，依家似乎都要加佢先攪得掂，但入車房修正數據叫做飲碗廿四味，清清個底，先裝個外掛上去咁解。另外，可以換個高流量風格天風spacer等等加強低扭，效果可能會唔同，不過呢兩樣我都未裝，只係入左wishlist.

P.S. 以上全是個人猜測，因為苦主死唔憤氣乜撚都試最後試出黎既結果，亦走過唔少以為整好但最後又整唔好既路，但我同另外一位谷友都比較肯定係行車電腦既事，出現情況大至相同。

mrmo

16# adyedy


其實我都試過吉電腦reset ecu. 但reset完之後係無改善，一樣無力...

mrmo

13# DAN!EL



師兄，咁你點解決呢個情況？我裝左幾日，頭先入完油都有呢個情況，但一陣就順番d. 但最work嗰陣係好明顯，反應快，扯住架車去

mrmo

試左咁多樣野，其實前期RK有事o個陣都應該係副行車電腦，起步、出迴旋處、上斜尤其明顯，之前提過我拎過入車房改個點火時間等等，其實都叫做work，但寫既數據未必太準確。
然後試外掛電腦...其實之前裝過朋友o個隻上去已經好明顯，但依家要靠佢令部車翻生咁，一開始裝好，其實架車已經好明顯，真係掂一掂就已經推出去，但熄車之後到第二日又好似無效果，然後我聯絡番代理o個邊，佢即晚同我換左隻新既，同埋入左另一個program落去，然後再同我試左幾轉，今次熄車之後保持正常，都係一開始裝比較爆，用用下佢會變得線性，但今次最唔同係扭力好左，上斜比之前仲有力，o係龍鼓灘大斜停左個臨時燈位，上斜o個下一俾油就過左2000轉，然後慢慢o係斜路加番去正常速度，相比起最壞情況o個陣，我覺得已經好唔同。而平路，雖然平時唔會點踩，但簡單順踩又係好快去左5000-6000轉，我見咁高都縮腳喇，如果再踩佢應該繼續上，簡單講，我認為隻電腦修正左呢部車既問題，希望用落去都無事(touchwood有事都有人跟既...)

mrmo

21# hkben


其實sensor有事篤電腦有冇error code出？